Дзæуджыхъæуы схорзæхджын кодтой «Мадæлон æвзаг – мадау адджын», «Иры фидæн» æркæстыты æмæ ирон æвзагæй олимпиадæйы уæлахиздзауты

Мадæлон æвзаг бахъахъхъæнын. Ахæм нысанимæ æмгуыст кæнынц Ахуырад æмæ наукæйы министрад æмæ Ахуыргæнджыты фæлтæрддзинад уæлдæргæнæн институты минæвæрттæ. Аразынц алыхуызон ерыстæ, æркастытæ. Дзырдæн зæгъæм, конкурстæ «Мадæлон æвзаг – мадау адджын», «Иры фидæн». Фæсивæды зæрдæты раргом кæнынц мадæлон æвзагмæ уарзондзинад. Хуыздæрты та кадджын уавæры схорзæхджын кодтой.