Аграгарадок Александрыя рыхтуецца прыняць гасцей і ўдзельнікаў свята "Купалле".

Традыцыйна свята пройдзе 6-7 ліпеня на маляўнічым беразе Дняпра і збярэ нямала прыхільнікаў аўтэнтычнай культуры і фальклору. Зараз у рэгіёне ідзе маштабная падрыхтоўка да свята. Члены аргкамітэта на чале з намеснікам старшыні Магілёўскага аблвыканкама Алегам Стэльмашком абмеркавалі як будуць выглядаць будучыя лакацыі мерапрыемства, дзе размесцяцца палаткі і сцэны, фуд-корт і горад майстроў, а таксама госці свята, колькасць якіх, дарэчы, плануецца больш, чым летась.