Молитва о восстановлении мира | #vpglas

Владыко Многомилостиве Господи, Иисусе Христе,
Боже наш, молитвами Всепречистыя Владычицы нашея
Богородицы и Приснодевы Марии, святых равноапостольных
великого князя Владимира и великия княгини Ольги, святых
Новомучеников и исповедников Церкви нашея, преподобных и
богоносных отец наших Антония и Феодосия, Киево-Печерских
чудотворцев, Сергия, игумена Радонежского, Иова Почаевского,
Серафима Саровского и всех святых, благоприятну сотвори
молитву нашу о Церкви и о всех людех Твоих.

От единыя купели Крещения, еже при святем князе Владимире,
мы, чада Твои, благодать восприяхом, – дух братолюбия и мира
в сердцах наших навеки утверди!

Иноплеменным же языком, брани хотящим и на Святую Русь
ополчающимся, – запрети и замыслы их ниспровергни.

Благодатию Твоею власть предержащих ко всякому благу настави,
воинов – в заповедях Твоих утверди, лишенныя крова – в домы
введи, голодныя – напитай, недугующая и страждущая – укрепи
и исцели, в смятении и печали сущим – надежду благую и
утешение подаждь, на брани убиенным – прощение грехов
и блаженное упокоение сотвори.

Исполни нас яже в Тя веры, надежды и любве, яко да во всех
странах наших единеми усты и единем сердцем исповемыся
Тебе, Господу и Спасителю нашему Иисусу Христу,
со Безначальным Твоим Отцем, Пресвятым Благим и
Животворящим Твоим Духом во веки веков. Аминь.

▶️Мы в соцсетях:
YOUTUBE: https://www.youtube.com/c/ГЛАСвокальныйпроект
TikTok: https://www.tiktok.com/@vpglas
INSTAGRAM: https://www.instagram.com/vpglas
VK: https://vk.com/vpglas
RUTUBE: https://rutube.ru/channel/23475999/
ЯНДЕКС ДЗЕН: https://zen.yandex.ru/vpglas

#vpglas
#молитва
#православие
#orthodox
#christian
#россия
#украина