Былатыан Ойуунускай 130 сааһыгар. Ааспыт күннэр-дьыллар. Дьүһүйүү 6 чааһа. (На якутском языке)

Дьүһүйүү бэһис чааһыгар Былатыан Ойуунускай 1920-1921 сыллаахха буолбут чахчылары суруйуутун «Чолбон» сурунаал 1928 сыллаахха тахсыбыт нүөмэриттэн ылыллан оҥоһулунна. Ол курдук манна киирдилэр:

— Ревком бириэмэтэ;
— Москваҕа барыы;
— Большевик партия онус мунньаҕа;

НВК «Саха» «Тэтим» араадьыйатыгар сэтинньи 12 күнүттэн саҕалаан Платон Алексеевич Ойуунускай 1917-1923 сылларга суруйбут дневнигыттан Саха сирин биллэр артыыстара «Ааспыт күннэр-дьыллар» диэн уустаан-ураннаан, импровизациялаан ааҕыылара тахсыбыта. Ааҕаллар Платон Алексеевич Ойуунускай биир дойдулаахтара: РФ үтүөлээх, СӨ норуодунай артыыһа Петр Баснаев, СӨ үтүөлээх, РФ Судаарыстыбаннай бириэмийэтин лауреата Иннокентий Луковцев, СӨ культуратын туйгуна Роман Дорофеев.

Бырайыак идиэйэтин ааптара, көҕүлээччи » Тааттавтодор» АО генеральнай директора Иван Бочонин, Бырайыак салайааччыта СӨ Ил Дарханын сүбэһитэ, «Улуу айаннар суолларынан» бырайыак салайааччыта Георгий Никонов, айар бөлөх: Михаил Эверстов, Анна Пудова, Гаврил Андросов, Валентина Бочонина, Дмитрий Никонов.

«Саха» НКИХ» СӨ ГБУ генеральнай дириэктэригэр Олег Марковка, генеральнай дириэктэр солбуйааччытыгар Ирина Ефимоваҕа, «Саха» НКИХ» СӨ ГБУ «Тэтим» араадьыйатын дириэктэригэр Николай Бястиновка айар бөлөх аатыттан махталбытын тиэрдэбит.

Уопсайа араадьыйаҕа 7 биэрии иһиллибитэ. Олору бу хартыынкалаан АО "Тааттавтодор" уонна "Пути великих свершений" бырайыак көмөтүнэн маннык быһыылаан таһааран саҕалаатыбыт.